Te Whakatuwheratanga o te Pokapü Ahurea o Waiwhetu

Tïhei Mauriora, Ka mau te wehi Te Ätiawa, Puketapu me Ngäti Hämua! Te Rünanga o Taranaki, Kara Puketapu, ko au ano rätou tënei e whai hönore nei ki te whai wähi ano i roto i te whakatutukitanga o tëtahi ano o o moemoeä.

Ka titiro whakahïhï au ki tënei taonga whakamïharo kua waihangatia nei e koutou, ä, ka pupü ake te koa i roto i a au mo te ao e tu mai nei i mua i a tätou tamariki, mokopuna, whänau, hapu, iwi, ä, i te iwi käinga hoki o Waiwhetu.

He maha kë ngä tau e waihanga ana koutou i Te Pokapü Ahurea o Waiwhetu. Heoi ano, ki te titiro haere a au, ka möhio au he aha koutou i angitu ai, ä, he aha i taea ai e koutou ta koutou moemoeä. I whakamahia e koutou o koutou pakaritanga me o koutou mäiatanga hei whakaü i a koutou ki te kaupare ake i ngä whakamätautau tae noa ki ta koutou whakatutukitanga i tënei pokapü ahurea.

Na te Marae o Waiwhetu i whakarato te papa o ngä kaiärahi e mäia ana, ä, kore rawa koutou i kotiti mai i te ara i whäia e koutou tae noa ki töna whakatutukitanga. Kei runga i a koutou ngä rongo mo te pakari o a koutou whakahaere käwanatanga, ä, me te pakari o a koutou whakaritenga whakahaere.

Na te mäia o a koutou ärahitanga, ka ü te titiro a te iwi käinga, te hapu me te whänau ki runga i ngä whakamätautau i mua i a koutou e tu mai ana, ä, i whakamahia e koutou o koutou ano pükenga me o koutou kaha hei kawe whakamua i a koutou. Ko tëtahi atu, i toro atu o koutou ringaringa ki te whakawhänaunga atu ki ëra atu tängata i roto i to rohe e noho ana, tae noa ki ëra o te whenua e ngäkau nui mai ana ki te tautoko i ta koutou matakite.

I häpaitia koutou e o koutou pakaritanga, e o koutou kaiärahi-tanga, e o koutou mäiatanga me ta koutou mahi ngätahitanga.

Ko ngä hua mai i tënei, ko tënei taonga e tu mai nei, he taonga haere tonu mo te whakaihiihi i te whänau, te hapu, te iwi me te iwi käinga o Waiwhetu.

Mai räno a Waiwhetu e tu ana hei wähi mo te whakaähuru i ngä wäriu ahurea o o tätou mätua, tüpuna, ä, ko te wähi hoki mo te whakamäunu i a koutou whanaketanga mo meake nei. Ae! Ka taea e au te ki, ko tënei wä, te wä e tika ana mo tätou ki te whai whakaaro mo ngä mea kei mua i a tätou e tu mai ana.

Kei te hiahia au kia whai tonu tätou i te angitu i pökaikaha nei tätou ki te whiwhi. Ina koa, i a tätou e tu nei i mua o te paepae o tëtahi tau hou, tau whakaihiihi whai tikanga e whakakähore ana i te whakaaro he iwi hauarea tätou e piripipiri tonu ana ki te ao tawhito.

E tika ana kia meihatia te katoa o ngä mahi e mahia ana e tätou inaianei, mo te whai wähi a ënei i runga i te whiwhi a to tätou iwi i te angitu a meake nei, e pakari ana i roto i to tätou ahurea, ä, e mahi ana i mua tonu o to tätou oranga-a-iwi, ä, oranga whenua whänui.

Ina koa, ka titiro au ki o koutou pakaritanga me o koutou wairua hihiko i whakamahia e koutou ki te whanake me te waihanga i tënei pokapü ahurea, ä, ka whakamihi au ki to koutou mäiatanga.

Ka kitea i roto i tënei pokapü te:

·Reo Irirangi o Te Ätiawa, e whakaähei ana i te teihana ki te
whakawhänui atu i äna hötaka, täpiri atu ki te reo Mäori, te tuhituhi auaha umanga ëtita mo ngä taiohi Mäori.

·Mahau teitei mo te waka whakairo mo Te Äniwaniwa, me ngä körero mo Parihaka me te iwi i Te Ätiawa kei Te Upoko-o-Te Ika e noho ana.

·pokapü ipurangi kia ähei ai ngä äkonga ki ngä äwhina whakahaere mätauranga höhonu.

·He pokapü akoranga e mätau ana, mo ngä mahi i muri mai i ngä mahi a te kura mo te ra.

·He rïpene ätaata e pa ana ki ngä mahi toi me ngä mahi ahurea a te Mäori.

·Te käinga o Te Runanga o Taranaki whänui.

·He mahau teitei hei whakaatu i ngä mahi toi, ä, hei wähi hoki mo te whakaatu i ngä toi o te rohe, ko te marae me te wharenui mo te whakarite i ngä hötaka o ngä kounga teitei hei whakaatu ki ngä manuhiri o te rohe, ä, o täwähi hoki.

Ka whakaratohia e te pokapü ahurea tëtahi wähi hei haeremai ma ngä türuhi ki te kite i te Mäori tüturu i runga i töna ano türanga waewae, ä, me te whakawhänaunga atu hoki ki ëra atu o ngä marae o Te Awakairangi ki te whai wähi mai i roto i tënei hötaka.

Ko te pokapu ahurea o Waiwhetu he tohu whakamahara ki te angitu o te Mäori me ngä paetae kua taea e ia. Ëhara tënei i te moemoeä, kua whakatinana këtia e koutou.

Kei te mihi ki a koutou, no reira, tëna koutou, tëna koutou, tëna koutou katoa.