Whakamânutanga a ngâ Minita i te Marautanga kaupapa-Mâori hukihuki

  • Parekura Horomia
Education

I te rangi nei i whakamânutia te marautanga hukihuki mô ngâ kura kaupapa Mâori e te Minita mô ngâ Take Mâori, te Minita Tuarua mô te Mâtauranga, a Parekura Horomia,. me te Minita mô te Mâtauranga, a Chris Carter.

“He marautanga ârahi-o te ao te Marautanga, ehara noaiho i te whakamâoritanga o te Marautanga o Aotearoa mô ngâ kura kaupapa pâkehâ, i mea hanga i raro i ngâ tikanga tangata whenua pûmau”, e kî ana a Horomia.

“ Kua takoto e Te Marautanga te huarahi mô te whakaako me te ako mô ngâ tauira, e 17500, kei ngâ kura kaupapa Mâori tuatahi, tuarua, e 350,o Aotearoa; ngâ kura e whakamahia ana i te reo Mâori mô ngâ whakawhitinga kôrero katoa, tâpiri atu ki ngâ mahi whakaako”.

Me te kî a Chris Carter, he pukapuka hoa ngâtahi Te Marautanga ki te Marautanga o Aotearoa (New Zealand Curriculum), tçrâ i whakamânutia e te Pirimia i te tîmatanga o tçnei marama.

“E arotahi ana ngâ marautanga e rua nei ki te take whakahirahira mô ngâ tauira ki te whai mâtauranga i raro i ngâ ahuatanga tikanga, engari me tâpiri atu ngâ wâriu, ngâ pukenga, me ngâ tohungatanga hei äwhina i ngâ tauira mô te rau tau 21,” I kî a Carter.

“ Ka whai Te Marautanga ki te whakanui ake i ngâ whakatutukitanga Mâori ki ngâ wâhanga katoa a te pûnaha akoranga mâtauranga, pûmau ake ki te pânui pukapuka, ki te tuhituhi me te pângarau; ki te whakamaha ake i ngâ tauira reo rua, reo maha, ki Aotearoa, me te whakapakari ake i te kaupapa mâtauranga Mâori.”

Me te whakamanawa a Minita Horomia me Minita Carter, i ngâ kaiwhakaako kia ârahi i ngâ whakawhitinga kôrero i a râtou hapori mô Te Marautanga.

“He mea whakahirahira ngâ whakaaro whakautu ki a mâtou, kia pûmau ko ngâ hiahia me ngâ wawata a te Mâori ka whakaatatia ki roto i Te Marautanga, â, ka takoto hângai atu ki te rautaki mâtauranga Mâori, a Ka Hikitia,” e kî ana a Horomia.

Kua tîmata ngâ whakawhitinga kôrero mô te pukapuka hukihuki, ka haere tonu atu ki te 22 o Paenga-whâ-whâ 2008. Ka tû ngâ raupapa hui â-rohe kia whakahokia mai ngâ whakaaro.