Te Mātāwai membership complete

  • Te Ururoa Flavell
Maori Development

Māori Development Minister Hon Te Ururoa Flavell has announced the final two members of Te Mātāwai and says the board is ready to lead te reo Māori to a new level.

Mr Flavell has appointed Professor Rawinia Higgins and Robin Hapi to Te Mātāwai – the new entity to lead the revitalisation of te reo Māori on behalf of iwi.

“Iwi and Māori have already selected 11 highly skilled and experienced members for Te Mātāwai and now that the board in complete I look forward to some dynamic and inspiring plans.”

Professor Higgins, the Deputy Vice Chancellor (Māori) at Victoria University, is a widely acknowledged expert on the revitalisation of te reo Māori and has held many roles on boards, advisory groups and working parties.  She is currently a board member of Te Māngai Pāho and a Commissioner for Te Taura Whiri i te Reo Māori but has indicated her intention to resign from those entities in order to focus on Te Mātāwai.

Mr Hapi has extensive governance and senior management experience across a range of government, private and community organisations and is currently Te Amokapua (Chair) of the Council of Te Wānanga-o-Raukawa, and a board member of Callaghan Innovation, Te Pou Matakana the North Island Commissioning Agency for Whānau Ora, and New Zealand Trade and Enterprise.

Members already selected by iwi and Te Reo Tukutuku cluster groups are:

Iwi clusters

  • Te Tai Tokerau – Waihoroi Shortland
  • Tainui – Pānia Papa
  • Mātaatua - Bentham Ohia
  • Te Arawa – Dr Cathy Dewes
  • Te Tai Rāwhiti - Jeremy Tātere MacLeod
  • Te Tai Hauāuru – Dr Ruakere Hond
  • Te Waipounamu - Nuki Tākao

Reo Tukutuku clusters

  • Education – Mereana Selby
  • Media – Scotty Morrison
  • Community – Dr Hiria Hape
  • Urban – Willie Jackson

“They will provide us with the leadership our language needs to flourish. My aspiration for Te Mātāwai is that it will be lead revitalisation initiatives so that more people are speaking te reo Māori, and there are more places throughout our society where they can speak Māori.”

The board will hold its inaugural meeting from 4-6 October.

Te Mātāwai Members

Iwi Cluster Appointments

Te Tai Tokerau – Waihoroi Shortland (Ngāti Hine and Te Aupouri)
Waihoroi Shortland is a writer, director, producer and actor who has more than 30 years’ experience working in te reo Māori-related media.  His early working life was as a Clerk and Interpreter for the Māori Land Court in Te Taitokerau and as a Māori Community Officer in Auckland, Pukekohe and Kaitaia.  From there he worked as a senior journalist on both Te Karere and Mana Māori Media.  His film credits include the lead in Tangata Whai Rawa o Weneti – the Māori Merchant of Venice, a role for which he was awarded Best Actor at the New Zealand Film Awards.  He was part of the cast of a te reo Māori adaptation of Shakespeare’s Troilus and Cressida at the Globe Theatre in London.  Waihoroi was a Commissioner for Te Taura Whiri i te Reo Māori and is a current member of the Māori Television Services Board.

Tainui – Pānia Papa (Ngāti Korokī-Kahukura, Ngāti Mahuta)
Pānia Papa has a vast array of experience in education and media – all with an emphasis on te reo Māori and Māori development.  She is a former Māori Studies lecturer at Waikato University and has consulted to a number of education agencies. Her broadcasting work includes producing, presenting, and translating for television including reversioning globally popular cartoons into Māori.  She was a member of the independent panel that reviewed the Crown’s Māori Language Strategy in 2011, and was on the Māori Language Quality Assurance Group overseeing the translation of Te Ture mō Te Reo Māori.  Pānia is currently a member of the Waikato-Tainui Reo Advisory Group, working to implement the Waikato-Tainui iwi language strategy.  She was a member of the advisory group that reviewed the Raukawa iwi language strategy in 2015 and the Ngāti Kahungunu iwi language strategy in 2014.  Pānia is a director of Takatū Associates Limited focusing on innovations in Māori language education and broadcasting; and Assistant Director of Te Panekiretanga o te Reo (Institute of Excellence in the Māori Language), an organisation she has been involved in since 2004, initially as one of the inaugural intake of students and currently a member of the teaching faculty.    

Mātaatua - Bentham Ohia (Ngāi Te Rangi, Ngāti Pūkenga, Ngāti Ranginui, Ngāti Te Roro o Te Rangi, Te Āti Awa, Ngāti Rārua and Ngai Tahu)
Bentham Ohia has been involved with Te Wānanga o Aotearoa (TWOA), for many years, seven of which were spent as CEO (2006-2013). While at TWOA he was involved in the development of a number of Māori culture, knowledge, language and identity programmes. Bentham is the president of the leadership organisation Advancement of Māori Opportunity, and continues to mentor and support many of the graduates from the programme who are now in leadership roles. He is also deputy chairman at the Waikato-Tainui College of Research and Development and a Trustee of Nga Potiki Trust in Pāpāmoa, Tauranga.

Te Arawa – Dr Cathy Dewes (Ngāti Rangitihi, Te Arawa, Ngāti Porou)
Dr Cathy Dewes is a long-time advocate of te reo Māori and has been actively involved in various Māori language revitalisation initiatives for more than 40 years.  Cathy was the first woman to serve on Te Arawa Māori Trust Board and was involved with advocating a fair settlement for Ngāti Rangitihi in the CNI Forests Collective Settlement. She has also been a director of the Māori Television Service and is currently the chair of Te Reo Irirangi o Te Arawa.Cathy was one of the group who began Māori Language Day in 1975, which later became Māori Language Week. She was instrumental in the establishment of kura kaupapa Māori schools throughout Aotearoa, and is the principal of Te Kura Kaupapa Māori o Ruamata in Rotorua, one of the first Maori language Aho Matua schools, as well as Tumuaki of Te Runanganui o ngā Kura Kaupapa Māori, the national body for kura kaupapa Māori. She has been involved in establishing and lecturing on several pre-service training courses preparing teachers for work in Kura Kaupapa Māori.

Te Tai Rāwhiti - Jeremy Tātere MacLeod (Ngāti Kahungunu, Te Arawa, Ngāti Raukawa te au ki te Tonga, Rangitāne, Ngāti Kuia, Ngāi Tahu, Te Āti Awa, Waikato, Ngāti Maniapoto, Taranaki)
Jeremy Tātere MacLeod is recognised as one of the key champions for te reo Māori revitalisation for Ngāti Kahungunu and is supported by his kaumātua in the many roles within the region and nationally. Jeremy is a graduate of ‘Te Panekiretanga o Te Reo’ and Waikato University with a Master of Arts (Māori) First Class Honours and is currently enrolled in their PhD programme. He is also a member of Te Mata Punenga, an elite group being groomed as karakia specialists, ensuring these skills are being fostered in the next generation. Jeremy currently works for Ngāti Kahungunu Iwi incorporated, and is tasked with the implementation of the Ngāti Kahungunu Māori Language Revitalisation Strategy – Kahungunu, kia eke! Jeremy also offers cultural advice and te reo Māori expertise, currently leading a major research project aimed at the identification and preservation of unique tribal dialectal variations. He also provides specialist advice around language revitalisation and language planning based on his own experiences as a second language learner and his own aspirations to attain fluency.

Te Tai Hauāuru – Dr Ruakere Hond (Taranaki, Ngāti Ruanui, Te Ati Awa, Whānau-a-Apanui)
For more than 30 years Dr Ruakere Hond has been keenly involved with adult education in the community and in tertiary institutions, specifically in the areas of reo Māori immersion learning and community development. He is a professional development trainer with Te Ataarangi, a recipient of the Hohua Tutengaehe research fellowship and a programme facilitator with Kura Whakarauora - language planning training intensives.  Previous positions include Project co-ordinator with Te Reo o Taranaki Trust and Head of Māori studies at Te Whare Wānanga o Awanuiārangi. Ruakere is currently Chairperson of Te Runanga o Te Ataarangi, a council member of Western Institute of Technology in Taranaki and is very active in development projects in Parihaka. He has held a number of governance positions such as Te Taura Whiri i te Reo Maori and has maintained involvement in many community-based reo initiatives at a regional and national level.

Te Waipounamu - Nuki Tākao (Te Ātiawa, Ngāti Rārua, Ngāti Tama, Ngāti Toa Rangatira, Ngāti Mutunga, Ngāi Tahu, Ngāi Tūhoe)
Nuki Tākao is a passionate practitioner of te reo Māori revitalisation, with an in-depth understanding of its unique diverse difficulties through her experiences in kura kaupapa Māori, whanau/hapū/iwi language development, research and publishing. She is a Director of Māreikura Ltd working with kura, publishers, government and iwi organisations to deliver a range of services including publishing, consulting, advocating, lecturing, and educational leadership. Current work includes Wānanga Reo, Māori Medium Publishing and Te Aho Tātairangi (Kura Kaupapa Māori Teacher Training).

Māori Language Stakeholder Groups – Te Reo Tukutuku Appointments

Education – Mereana Selby (Ngāti Raukawa, Ngāti Huia, Ngāti Porou)
Mereana Selby has been active in the Māori language revival movement over the last 40 years, particularly within her own iwi of Ngāti RaukawaShe has a particular interest in language revitalisation and intergenerational language transmission.  Mereana began her career as a secondary school teacher of te reo Māori and Physical Education. She then took up a position at Wellington College of Education in bilingual teacher training.  After 4 years there she joined Te Wānanga o Raukawa as Kaihautū (Director): Whakaakoranga, the faculty responsible for the delivery of Māori medium teacher training programmes.  She also completed a Masters in Mātauranga Māori during this time.   In 2007 Mereana was appointed to the role of Tumuaki at Te Wānanga o Raukawa.  She is the first woman to be appointed as CEO of a Wānanga and is now in the 10th year of her tenure.  She is the Chair of Te Tauihu o Ngā Wānanga - the association of the three wānanga.

Media – Scotty Morrison (Ngāti Whakaue)
Scotty Morrison is the presenter of Māori current affairs programmes Te Karere and Marae.  He holds a Diploma of Teaching, Bachelor of Education and Masters (Education) from Waikato University and was previously Adjunct Professor of Māori Language and Tikanga at Unitec, Auckland.  He also served as Head of Department at Unitec’s School of Maori. He is currently completing his PhD on Language Revitalisation. He has held Māori language advisory roles for a number of organisations, and designed and implemented the Ngāti Whakaue language revitalisation strategy.  He is the writer of The Raupo Phrasebook of Modern Maori and Māori Made Easy – For everyday learners of the Māori Language –  which is a book supported with text and video content within the MāoriLanguage.net website.

Community – Dr Hiria Hape (Tūhoe, Whakatōhea)
Dr Hiria Hape is currently a Senior Advisor/Pouwhakahaere for Māori Relationships and is a member of the Senior Leadership Team at Te Puni Kōkiri, the Ministry of Maori Development.  In her role, she supports the Prime Minister and Governor General on tikanga Māori matters and also supports Minister of Treaty Settlements and Minister for Māori Development / Minister for Whānau Ora.  Prior to undertaking her current role at Te Puni Kōkiri, Hiria was the Senior Manager of the Māori Cultural Perspective Unit for the Ministry.  From 1999 she was an executive manager of Tūhoe Education Authority and cultural advisor for the New Zealand Army.  She was Head of School Māori Studies at Wellington Polytechnic from 1991 to 1998 and a Senior Lecturer.  She completed her Masters of Education at Victoria University of Wellington in 1998 and her thesis 'Māori Learning Styles' was the first written for the Faculty of Education entirely in te reo Māori.  She completed her Doctoral thesis at Te Whare Wānanga o Awanuiārangi in 2015 and this was also the first PHD written in te reo Māori for Awanuiārangi.

Urban – Willie Jackson
Willie Jackson is the chief executive of the Manukau Urban Māori Authority, Chairman of the National Māori Radio Network – Te Whakaruruhau O Ngā Reo Irirangi Māori, and chairman of the National Urban Māori Authority. He was the leader of the Mana Motuhake Party - the first Māori party in Government, and deputy leader of the Alliance. Prior to entering parliament Willie was a long time union official, sports broadcaster, Māori music label executive and Urban Māori Authority negotiator. He is now an award-winning broadcaster, political commentator and talkback host for Radio Waatea (Paakiwaha) and Radio Live.

Ministerial Appointments

Professor Rawinia Higgins (Tūhoe)
Professor Rawinia Higgins is Deputy Vice Chancellor (Māori) at Victoria University.  She has worked at the university since 2009 and prior to her appointment as Deputy Vice Chancellor in June 2016 she was the Head of Te Kawa a Māui and Assistant Vice-Chancellor Māori Research.  Rawinia a widely acknowledged expert on the revitalisation of te reo Māori and has held many roles on boards, advisory groups and working parties. She chaired the Māori Language Advisory Group for the Minister for Māori Development, which influenced and shaped Te Ture mō Te Reo Māori 2016 and the establishment of Te Mātāwai.  She was a member of the working party for Iwi Chairs’ Collective Māori Language Strategy 2014.  She is currently a board member of Ngā Pae o Te Māramatanga Centre of Research Excellence, a member of the Waitangi Tribunal.  Prior to her appointment to Te Mātāwai she was a board member of Te Māngai Pāho and a Commissioner for Te Taura Whiri I te Reo Māori.

Robin Hapi
Robin Hapi has extensive governance and senior management experience across a range of government, private and community organisation. He was previously CEO of Aotearoa Fisheries Ltd for three years and CEO of the former Treaty of Waitangi Fisheries Commission for 13 years.   His current positions include Te Amokapua (Chair) of the Council of Te Wānanga-o-Raukawa, a board member of Callaghan Innovation, Te Pou Matakana the North Island Commissioning Agency for Whanau Ora, and New Zealand Trade and Enterprise.  In 2016, he became a Companion of the New Zealand Order of Merit for services to Māori, community and governance.  He is a Chartered Fellow of the Institute of Directors and a Fellow of the NZ Institute of Management.


 

Kua kapi katoa ngā tūranga o Te Mātāwai

Kua pānuitia e te Minita Whanaketanga Māori, e Te Ururoa Flavell, kua whai hōnore, ngā ingoa o ngā mema whakamutunga e rua o Te Mātāwai, ā, e kī ana ia kua rite te poari ki te ārahi i te kawenga o te reo Māori ki taumata kē atu.

Kua kopoutia e Te Ururoa a Ahorangi Rawinia Higgins rāua ko Robin Hapi ki a Te Mātāwai – ki te hinonga hou hei ārahi i te whakarauoratanga o te reo Māori mā ngā iwi.

"Kua oti kē i ngā iwi me ngāi Māori te whiriwhiri ngā tāngata 11 e whai pūkenga nui ana, e whai wheako nui ana hoki hei mema mō Te Mātāwai, ā, i te whakatutukitanga o ngā kopoutanga o te poari, e pūnganangana ana au ki te kite i ētahi mahere whakahihiri, i ētahi mahere whakaawe hoki."

Ko Ahorangi Higgins te Tumu Ahurei ki Te Whare Wānanga o Te Upoko o te Ika a Māui e mōhio whānuitia ana hei mātanga e pā ana ki te whakarauoratanga o te reo Māori, ā, kua whai tūranga huhua ia ki ngā poari, ki ngā rōpū tohutohu, ki ngā rōpū kōkiri kaupapa anō hoki.  I tēnei wā, ko ia tētahi o ngā mema o te poari o Te Māngai Pāho, ā, he Kaikōmihana hoki ia i Te Taura Whiri i te Reo Māori, engari kua tohua tana hiahia kia wātea ia i aua hinonga e pai ai tana arotahi ki a Te Mātāwai.

Inā kē te whānui o ngā wheako ā-mana hautū, ā-mana whakahaere matua hoki o Hapi i ngā momo whakahaere ā-kāwanatanga, ā-tūmataiti, ā-hapori hoki, ka mutu, i tēnei wā, ko ia Te Amokapua o Te Mana Whakahaere o Te Wānanga o Raukawa, ā, he mema ia i te poari o Callaghan Innovation, o Te Pou Matakana, arā, o te Pokapū Kōmihana mō Whānau Ora ki Te Ika-a-Māui, o Te Mata o Aotearoa anō hoki.

Ko ngā mema kua whiriwhirihia kētia e ngā kāhui ā-iwi me ngā kāhui o Te Reo Tukutuku, ko:

Ngā kāhui ā-Iwi

  • Te Tai Tokerau – Waihoroi Shortland
  • Tainui – Pānia Papa
  • Mātaatua - Bentham Ohia
  • Te Arawa – Tākuta Cathy Dewes
  • Te Tai Rāwhiti - Jeremy Tātere MacLeod
  • Te Tai Hauāuru – Tākuta Ruakere Hond
  • Te Waipounamu - Nuki Tākao

Ngā kāhui o Te Reo Tukutuku

  • Te Mātauranga – Mereana Selby
  • Te Pāpāho – Scotty Morrison
  • Te Hapori – Dr Hiria Hape
  • Te Hunga Noho Tāone – Willie Jackson

"Mā rātou e whakaatu mai te ārahitanga me mātua whai e matomato ai te tipu o te reo.  Ko aku tūmanako kia tū a Te Mātāwai hei kaiārahi i ngā kaupapa whakarauora reo kia tokomaha ake ai ngā tāngata e kōrero Māori ana, kia nui ake ai hoki ngā wāhi puta noa i te hapori e kōrero Māori ai rātou."

Ka tū te hui tuatahi a te poari ā te 4 ki te 6 o Whiringa-ā-nuku.

Kua tāpiritia ki tēnei tuhinga ngā haurongo mō ngā mema o Te Mātāwai.

Ngā Mema o Te Mātāwai

Ngā Kopoutanga a ngā Kāhui ā-Iwi

Te Tai Tokerau – Waihoroi Shortland (nō Ngāti Hine me Te Aupōuri)
He kaituhi, he ringatohu, he kaihautū hōtaka, he kaiwhakaari hoki a Waihoroi Shortland kua neke atu i te 30 tau e mahi ana i ngā mahi pāpāho e hāngai ana ki te reo Māori.  I te tīmatanga o tōna ao whai mahi, he Karaka, he Kaiwhakawhiti Reo ā-Waha hoki ia i Te Kooti Whenua Māori ki Te Tai Tokerau, he Āpiha Māori i te Hapori hoki ia ki Tāmakimakaurau, ki Pukekohe me Kaitaia.  Mai i reira, ka huri ia ki te mahi hei kaipūrongo matua ki Te Karere me Mana Māori Media.  Ko tētahi o ana tūranga ā-kiriata ko te kaiwhakaari matua i Te Tangata Whai Rawa o Weneti nā reira i whakawhiwhia ai ia ki te tohu mō te Kaiwhakaari Pai Katoa i te Hui Whakawhiwhi Tohu mō ngā Kiriata ki Aotearoa.  Ko ia tētahi o te kāhui whakaari o te whakamāoritanga o tā Rūrūtao whakaari, o Toroihi rāua ko Kāhira i tū rā ki Te Whare Tapere o te Ao ki Rānana.  He Kaikōmihana a Waihoroi i Te Taura Whiri i te Reo Māori, ā, i tēnei wā he mema ia nō te Poari o Te Ratonga Whakaata Māori.

Tainui - Pānia Papa (nō Ngāti Korokī-Kahukura, nō Ngāti Mahuta hoki)
Inā kē te whānui o ngā wheako o Pānia Papa i roto i te mātauranga me te pāpāho - katoa e aro nui ana ki te reo Māori me te whanaketanga Māori.  He pūkenga whakaako o mua ia i Te Whare Wānanga o Waikato, ā, kua noho ia hei kaitohutohu ki ngā pokapū mātauranga maha.  I āna mahi i te ao pāpāho, ka whai wāhi atu te waihanga me te whakataki hōtaka, te whakawhiti reo ā-tuhi mā te pouaka whakaata, tae atu ki te whakawhitihanga o ētahi pakiwaituhi e rongonui ana i te ao, ki te reo Māori.  I te tau 2011, ko ia tētahi o ngā mema o te rōpū motuhake i arotake rā i te Rautaki Reo Māori a te Karauna, ā, ko ia tētahi o te Rōpū Whakaū i te Kounga o te Reo Māori e mātai ana i te whakamāoritanga o Te Ture mō Te Reo Māori.  I tēnei wā, ko Pānia tētahi o ngā mema o te Rōpū Tohutohu mō te Reo ki Waikato-Tainui e whai nei ki te whakatinana i te rautaki reo a ngā iwi o Waikato-Tainui.  I te tau 2015, ko ia tētahi mema o te rōpū tohutohu nāna nei i arotake te rautaki reo a te iwi o Raukawa, ā, i te tau 2014, ko ia tētahi mema o te rōpū tohutohu i arotake rā i te rautaki reo a te iwi o Ngāti Kahungunu.  He tumuaki ia nō Takatū Associates Limited e arotahi ana ki ngā auahatanga o te reo Māori i te ao o te mātauranga me te pāpāho; ā, he Kaituruki ia i Te Panekiretanga o te Reo, i tētahi whakahaere i whai wāhi atu ai ia hei tauira i te rangapū tuatahi, i te tau 2004, ā, e tū nei hei kaiwhakaako ināianei.

Mātaatua - Bentham Ōhia (nō Ngāi Te Rangi, nō Ngāti Pūkenga, nō Ngāti Ranginui, nō Ngāti Te Roro o Te Rangi, nō Te Ati Awa, nō Ngāti Rārua me Ngāi Tahu)
E hia nei ngā tau i whai wāhi atu ai a Bentham Ohia ki a Te Wānanga o Aotearoa (TWoA), otirā, e whitu ngā tau i noho ai ia hei Pouhere (i te tau 2006 ki te tau 2013).  Nōna i Te Wānanga o Aotearoa ka whai wāhi atu ia ki te whanaketanga o ngā hōtaka mō te ahurea, mō te mātauranga, mō te reo me te tuakiri Māori.  Ko Bentham te tumuaki o te whakahaere e pā ana ki te kaiārahitanga e kīia nei ko te Advancement of Māori Opportunity, ā, e ārahi tonu ana ia, e tautoko tonu ana ia i te tokomaha o te hunga kua puta ō rātou ihu i te hōtaka, e tū nei i ngā tūranga kaiārahi ināianei.  Ko ia hoki te kaihautū tuarua i te Waikato-Tainui College of Research and Development, ā, he kaitiaki ia i te Tarati o Ngā Pōtiki i Pāpāmoa, ki Tauranga.

Te Arawa - Tākuta Cathy Dewes (nō Ngāti Rangitihi, nō Te Arawa, nō Ngāti Porou hoki)
He tāiki ngāpara a Tākuta Cathy Dewes ki te tautoko i te reo Māori, ā, kua neke atu i te 40 tau te roa o te āta kuhu i ngā tini kaupapa whakarauora i te reo Māori.  Ko Cathy te wahine tuatahi ki te noho i te Rōpū Kaitiaki Māori o Te Arawa, ā, i whai wāhi atu ia ki te whakatairangatanga kia tika te whakataunga kokoraho ki a Ngāti Rangitihi i te Whakataunga Ngātahitanga o te Kokoraho i ngā Ngahere o te Puku o te Ika a Māui.  Kua noho hoki ia hei kaiurungi i Te Ratonga Whakaata Māori, ā, ko ia te kaihautū o Te Reo Irirangi o Te Arawa i tēnei wā.  Ko Cathy tētahi o te rōpū nāna nei i tū ai te Rā o te Reo Māori i te tau 1975, i huri rā hei Wiki mō te Reo Māori.  Ko ia tētahi o ngā tāngata matua i te whakatūnga o ngā kura kaupapa Māori puta noa i Aotearoa, ā, ko ia te tumuaki o Te Kura Kaupapa Māori o Ruamata ki Rotorua, o tētahi o ngā kura kaupapa Māori Aho Matua tuatahi, ka mutu, ko ia hoki te Tumuaki o Te Rūnanga o ngā Kura Kaupapa Māori, o te rangatōpū ā-motu mō ngā kura kaupapa Māori.  Kua whai wāhi atu ia ki te whakatūnga me te whakaakoranga o ētahi kura whakangungu i te hunga e takatū ana ki te mahi hei kaiwhakaako i te Kura Kaupapa Māori.

Te Tai Rāwhiti - Jeremy Tātere MacLeod (nō Ngāti Kahungunu, nō Te Arawa, nō Ngāti Raukawa te au ki te Tonga, nō Rangitāne, nō Ngāti Kuia, nō Ngāi Tahu, nō Te Ati Awa, nō Waikato, nō Ngāti Maniapoto, nō Taranaki hoki)
E mōhiotia ana a Jeremy Tātere MacLeod hei toa matua i te whakarauoratanga o te reo Māori i roto o Ngāti Kahungunu, ā, e tautokona ana ia e ōna kaumātua i ngā tūranga maha ōna i waenga i te rohe, ā, i te motu whānui hoki.  He ika a Whiro a Jeremy nō Te Panekiretanga o Te Reo, ā, kua whakawhiwhia hoki ia ki te Tohu Paerua i te Mātauranga Aronui (i raro i te kaupapa Māori) ki te Taumata Hiranga ā-Hōnore, ka mutu, kua whakaurua ia ki te hōtaka whai i te tohu kairangi.  He pia hoki ia nō Te Mata Punenga, he rōpū whāiti tēnei e whakangungua ana kia tū hei tohunga karakia kia kumanutia ai ēnei pūkenga i waenga i te whakatipuranga e whai ake nei.  Kei te Kaporeihana o Ngāti Kahungunu Iwi a Jeremy e mahi ana, ā, ko tāna he whakatinana i te Rautaki Whakarauora i te Reo Māori o Ngāti Kahungunu – o Kahungunu, kia eke!  Horahia ai hoki e Jeremy ana whakaaro mō ngā tikanga me ōna tohungatanga i te reo Māori, inā hoki e ārahi ana ia i tētahi kaupapa rangahau nui e aro ana ki te tautuhinga me te penapenatanga o ngā momo mita ā-iwi motuhake.  He tohungatanga hoki ōna e pā ana ki te whakarauora reo me te whakamahere e pā ana ki te reo, nā runga i ōna anō wheako hei ākonga reo tuarua, i ōna manako hoki kia matatau ia ki te reo.

Te Tai Hau-ā-uru – Dr Ruakere Hond (nō Taranaki, nō Ngāti Ruanui, nō Te Ati Awa, nō Te Whānau-a-Apanui hoki)
Kua neke atu i te toru tekau tau a Tākuta Ruakere Hond e tino kaha nei ki te whai wāhi atu ki te mātauranga mō ngā pakeke i roto i te hapori, ki ngā kura tuatoru hoki, otirā, ki ngā kaupapa whakaako i te reo Māori mā te rumaki, ki te whakawhanake hapori anō hoki.  Ko ia te Kaiwhakangungu i te Whakawhanake Ngaio ki Te Rūnanga o Te Ataarangi, he mea whakawhiwhi ia ki te takuhe rangahau whakamaumahara ki a Hohua Tutengaehe, ā, ko ia hoki tētahi kaiwhakahaere hōtaka i ngā Kura Whakarauora - he kaupapa whakangungu mō te whakamahere i te reo.  Ko ētahi o ōna tūranga o mua he kaiwhakahaere Kaupapa o te Tarati o Te Reo o Taranaki, he Tumuaki hoki mō te Tari Māori i Te Whāre Wānanga o Awanuiārangi.  I tēnei wā, ko Ruakere te Kaihautū o Te Rūnanga o Te Ataarangi, ā, he mema ia i te kaunihera o Te Kura Matatini o Taranaki, ā, e kaha ana tana whai wāhi atu ki ngā kaupapa whakawhanake ki Parihaka.  He nui tonu ngā tūranga ā-mana hautū i tūria ai e Ruakere, pēnei i Te Taura Whiri i te Reo Māori, ā, kua whai wāhi tonu atu ia ki te maha o ngā kaupapa reo ā-hapori i te rohe, i te motu whānui hoki.

Te Waipounamu - Nuki Tākao (nō Te Ati Awa, nō Ngāti Rārua, nō Ngāti Tama, nō Ngāti Toa Rangatira, nō Ngāti Mutunga, nō Ngāi Tahu, nō Ngāi Tūhoe hoki)
Ko Nuki Tākao tētahi e ngākaunui ana ki te whakatinana i te whakarauoratanga o te reo Māori, ā, nā ōna wheako i te kura kaupapa Māori, i te whakawhanaketanga o te reo i roto i te whānau, i te hapū, i te iwi hoki, i te rangahau me te tā tuhinga anō hoki, e hōhonu nei ōna mōhiotanga ki ngā momo uauatanga ahurei e pā ana ki te whakarauora i te reo Māori.  Ko ia tētahi Tumuaki o Māreikura Ltd e mahi tahi ana me ngā kura, me ngā whakahaere tā tuhinga, me ngā whakahaere ā-kāwanatanga, ā-iwi hoki ki te tuku i te whānuitanga o ngā ratonga e whai wāhi atu nei te tā tuhinga, te tohutohu, te tautoko, te kauhau, me te ārahitanga ā-mātauranga nei.  Ka whai wāhi atu ki āna mahi o nāianei ko te Wānanga Reo, ko te Tā Tuhinga ki te Reo Māori me Te Aho Tātairangi (He kaupapa whakangungu tāngata ki te whakaako i ngā Kura Kaupapa Māori).

Ngā Rōpū e Whai Pānga ana ki te Reo Māori – Ngā Kopoutanga a ngā Kāhui o Te Reo Tukutuku

Te Mātauranga – Mereana Selby (nō Ngāti Raukawa, nō Ngāti Huia, nō Ngāti Porou hoki)
I ngā tau e 40 kua hipa ake nei, e kaha ana te whai wāhi atu o Mereana Selby ki te kaupapa o te whakarauora i te reo Māori, otirā, i waenganui tonu i tōna ake iwi o Ngāti Raukawa.  E tino ngākaunui ana ia ki te kaupapa o te whakarauora reo me te tukunga o te reo i waenga i ngā whakatipuranga.  I tīmata te huarahi mahi e takahia nei e Mereana ki te kura tuarua hei kaiwhakaako i te reo Māori me te Mātauranga Hākinakina.  Mai i reira ka whai tūranga ia i ngā mahi whakangungu kaiwhakaako reorua ki te Kura o te Mātauranga ki Te Whanganui-a-Tara.  Nō te paunga o ngā tau e whā i reira ka uru atu ia ki Te Wānanga o Raukawa hei Kaihautū i te tari o te Whakaakoranga, te tari māna e hāpai te whakaakoranga o ngā hōtaka whakangungu kaiwhakaako ki te reo Māori.  I taua wā, ka tutuki hoki i a ia tōna Tohu Paerua i te Mātauranga Māori.  I te tau 2007 ka kopoua a Mereana ki te tūranga o te Tumuaki ki Te Wānanga o Raukawa.  Ko ia te wahine tuatahi i kopoua ai hei Tumu Whakarae ki tētahi wānanga, ā, kua eke ki te tekau tau te roa o tana mahi ki reira.  Ko ia te Kaihautū o Te Tauihu o Ngā Wānanga - te tōpūtanga o ngā wānanga e toru.

Te Pāpāho – Scotty Morrison (nō Ngāti Whakaue)
He kaiwhakataki a Scotty Morrison i ngā hōtaka e pā ana ki ngā take Māori o te wā, i Te Karere me Marae.  He mea whakawhiwhi ia ki te Pōkairua Whakaako, ki te Tohu Paetahi i te Mātauranga me te Tohu Paerua (i te Mātauranga) e Te Whare Wānanga o Waikato, ā, i tū ia hei Ahorangi Āpiti i te Reo me ngā Tikanga Māori ki Te Whare Wānanga o Wairaka ki Tāmakimakaurau.  I mahi hoki ia hei Tumuaki mō te Tari ki te Kura Māori o Te Whare Wānanga o Wairaka.  E whakaoti ana ia i tana Tohu Kairangi e pā ana ki te Whakarauoratanga o te Reo.  Kua tū ia i ngā tūranga hei kaitohutohu e pā ana ki te reo Māori ki te maha o ngā whakahaere, ā, nāna i waihanga, nāna hoki i whakatinana te rautaki whakarauora i te reo o Ngāti Whakaue.  Ko ia te kaituhi o te pukapuka e kīia nei ko 'The Raupo Phrasebook of Modern Māori', me 'Māori Made Easy –  For everyday learners of the Māori Language' – he pukapuka e kīnakihia nei ki te kupu me te ataata kei te paetukutuku o MāoriLanguage.net.

Te hapori – Tākuta Hiria Hape (nō Tūhoe, nō Te Whakatōhea hoki)
I tēnei wā, he Pouwhakahaere a Tākuta Hiria Hape mō ngā Hononga Māori, ā, ko ia tētahi o te Rōpū Kaiārahi Mātāmua ki Te Puni Kōkiri, i raro i te maru o te tari o te Minita Whanaketanga Māori.  I tōna tūranga, ka tautoko ia i te Pirīmia me te Kāwana Tianara i roto i ngā take e pā ana ki ngā tikanga Māori, ā, ka tautoko hoki ia i te Minita mō ngā Whakataunga Kokoraho Tiriti, i te Minita Whanaketanga Māori, otirā, i te Minita mō Whānau Ora.  I mua i tana tūranga o nāianei ki Te Puni Kōkiri, he Kaiwhakahaere Mātāmua a Hiria i te Wāhanga mō Te Tirohanga ā-Tikanga Māori nei, i raro i te tari Kāwanatanga.  Nō te tau 1999 he kaiwhakahaere whakarae ia i Te Mana Whakahaere Mātauranga ki Tūhoe, ā, ko ia hoki te kaitohutohu e pā ana ki ngā tikanga i roto i a Ngāti Tūmatauenga.  Ko ia te Tumuaki o te Tari Māori i te Kuratini ki Te Whanganui-a-Tara mai i te tau 1991 ki te tau 1998, ā, he Pūkenga Matua hoki ia.  I tutuki i a ia tōna Tohu Paerua i te Mātauranga i Te Whare Wānanga o Wikitōria ki Te Whanganui-a-Tara, ka mutu, ko tana tuhinga roa, e kīia nei ko 'Māori Learning Styles', te tuatahi o te Tari Mātauranga i tuhia katoatia ai ki te reo Māori.  I tutuki i a ia tāna tuhinga mō te Tohu Kairangi i Te Whare Wānanga o Awanuiārangi i te tau 2015, ā, koinei hoki tā Awanuiārangi tuatahi o ngā Tohu Kairangi i tuhia katoatia ai ki te reo Māori.

Te hunga noho tāone – Willie Jackson
Ko Willie Jackson te tumu whakarae o te Manukau Urban Māori Authority, te Kaihautū o Te Whakaruruhau o ngā Reo Irirangi Māori, ā, ko ia hoki te kaihautū o te National Urban Māori Authority.  Ko ia te kaiārahi o te Rōpū Tōrangapū mō te Mana Motuhake – o te rōpū tōrangapū Māori tuatahi i roto i te Kāwanatanga, ā, ko ia hoki te kaiārahi tuarua o te rōpū tōrangapū, o Alliance.  I mua i te kuhu ki te whare pāremata, kua roa a Willie e tū ana hei kaimahi i te uniana, hei kaipāpāho kōrero hākinakina, hei pou whakarae i ngā mahi waihanga puoro Māori, hei kaiwhakawhiti kōrero hoki mā te Urban Māori Authority.  Ināianei, he kaipāho ia e whakawhiwhia ana ki ngā momo tohu whakanui, he kaituku whakaaro mō ngā take tōrangapū, ā, he kaiwhakataki ia i ngā whakawhitinga kōrero i te Reo Irirangi o Wātea (i te hōtaka o Paakiwaha), i Radio Live hoki. 

Ngā Kopoutanga a te Minita

Ahorangi Rawinia Higgins (nō Tūhoe)
Ko Ahorangi Rawinia Higgins te Tumu Ahurei ki Te Whare Wānanga o Te Ūpoko o te Ika a Māui.  Nō mai anō i te tau 2009, e mahi ana ia ki te whare wānanga, ā, i mua i te kopoutanga ōna hei Tumu Ahurei i te marama o Pipiri, i te tau 2016, ko ia tonu te Tumuaki o Te Kawa a Māui me te Iho Rangahau Māori.  Ka kīia whānuitia a Rawinia he mātanga mō te whakarauoratia o te reo Māori, ka mutu, e hia kē nei ngā tūranga poari, ngā rōpū tohutohu, ngā rōpū kōkiri kaupapa anō hoki kua tūria e ia.  Nāna i hautū mā Te Minita Whanaketanga Māori te Rōpū Tohutohu mō te Reo Māori hei whakaawe, hei auaha hoki i Te Ture mō Te Reo Māori 2016 me te whakatūnga o Te Mātāwai.  He mema ia nō te rōpū kōkiri i tā Te Kotahitanga o ngā Iwi Rautaki Reo Māori 2014.  I tēnei wā, ko ia tētahi o ngā mema o te poari o Ngā Pae o Te Māramatanga me Te Rōpū Whakamana i Te Tiriti o Waitangi.  I mua i te kopoutanga ōna ki a Te Mātāwai, ko ia tētahi o ngā mema o te poari o Te Māngai Pāho, he Kaikōmihana hoki ia i Te Taura Whiri i te Reo Māori.

Robin Hapi
Inā kē te whānui o ngā wheako ā-mana hautū, ā-mana whakahaere matua hoki o Robin Hapi i ngā momo whakahaere huhua, kāwanatanga mai, tūmataiti mai, hapori mai hoki.  I tū ia hei Tumu Whakarae i Aotearoa Fisheries Ltd mō ngā tau e toru, ā, ko ia hoki te Tumu Whakarae i Te Ohu Kaimoana mō ngā tau 13.  I tēnei wā, ko ia Te Amokapua o Te Mana Whakahaere o Te Wānanga-o-Raukawa, he mema hoki nō te Poari o Callaghan Innovation, o Te Pou Matakana, o te Pokapū Kōmihana mō Whānau Ora ki Te Ika a Māui, o Te Mata o Aotearoa hoki.  I te tau 2016 i whakawhiwhia ia ki Te Tohu Tāpui mō ana mahi mō te iwi Māori, mō te hapori me te mana hautūtanga.  He Tautōhito ia i Te Rōpū Tumuaki, he Mema hoki nō Te Rōpū Kaiwhakahaere o Aotearoa.